É unha entidade social sen ánimo de lucro que traballa pola promoción integral de xitanos e xitanas, a defensa e difusión dos seus valores culturais e a mellóra da súa imaxe na sociedade.

A nosa misión o la promoción integral da comunidade xitana desde o respecto á súa identidade cultural, promovendo o acceso das persoas xitanas aos dereitos, servizos e recursos sociais en igualdade de condicións co resto de cidadáns.

Valores:

A F.S.G. preconiza unha sociedade intercultural onde as persoas xitanas exerzan libre e plenamente a súa cidadanía e contribúan coas súas achegas ao enriquecemento da cultura universal. Por iso os valores que dirixen as súas actuacións son:

• Interculturalidade: Apoiar e defender unha sociedade plural, fomentando a convivencia, o coñecemento mutuo e as relacións entre as persoas de distintas culturas.
• Solidariedade: Reducir as desigualdades socioeconómicas e compensar as desvantaxes.
• Dignidade e xustiza: Defender os dereitos humanos e fundamentais e apoiar o desenvolvemento das persoas. Mellorar a imaxe pública do pobo xitano, promover a súa cidadanía e propiciar a súa participación e responsabilidade social.
• Capacitación e participación: Implicar aos xitanos e xitanas na súa promoción e facilitar o seu acceso aos medios que a fagan posible. Promover o desenvolvemento do propio grupo, tanto desde unha perspectiva cultural como de identidade e promoción colectiva; e a súa participación no desenvolvemento do territorio no que conviven co resto da poboación.
• Apertura: Colaborar con diferentes entidades, sumar forzas, promover o traballo en rede. Colaborar con persoas, asociacións, ONG, plataformas e organismos, públicos e privados, que traballan pola promoción da comunidade xitana.

Fins:

O traballo desenvolvido pola F.S.G. diríxese á promoción integral da comunidade xitana en todas as súas dimensións, incluíndo aspectos como a promoción da cultura, o apoio á súa identidade, o fomento da participación?e centrándose especialmente en compensar as desvantaxes dos seus membros máis desfavorecidos.

Para iso, desenvolve dous tipos de actuacións:

• Servizos directos á comunidade xitana para promocionar e mellorar as súas condicións de vida.
• Actuacións destinadas ao fomento de políticas máis activas dirixidas á comunidade xitana.

Estas dúas liñas de acción concrétanse en:

• Traballar pola promoción e incorporación plena dos xitanos e xitanas na sociedade española.
• Mellorar a imaxe pública do pobo xitano e difundir os seus valores culturais na sociedade.
• Desenvolver programas de promoción nos campos educativo, sanitario, xuvenil, de emprego, muller, así como aqueles ámbitos que contribúan a mellorar as condicións de vida da comunidade xitana.
• Ofrecer servizos de información, formación, orientación e asesoramento ás asociacións, administracións e todas aquelas entidades que estean interesadas nas cuestións xitanas.
• Desenvolver medidas de sensibilización e campañas xeralistas co obxectivo de incidir nas causas estruturais da desigualdade.
• Defender e apoiar os intereses do pobo xitano tanto a nivel nacional como internacional, influíndo en tómaa de decisións dos niveis políticos que afecten á comunidade xitana. Especialmente na Europa ampliada incrementando a colaboración cos novos membros e candidatos á Unión Europea e tratando de influír nas políticas que poidan afectar á comunidade xitana destes países.

En Pontevedra trabállase fundamentalmente en dous ámbitos:

Emprego:

Programa ACCEDER (programa de acceso ao emprego). Programa Operativo Plurirexional (Loita contra a discriminación).

Servizos que ofrece:

• Servizo de acollida e información.
• Itinerarios personalizados de formación e procura de emprego.
• Orientación laboral e titorías.
• Oferta de actividades de preformación e formación profesional.
• Derivación e seguemento noutras actividades formativas.
• Accións de prospección e procura activa de empregos no mercado de traballo e intermediación coas empresas.
• Acompañamento no posto de traballo.
• Información e asesoramento ás empresas sobre axudas á contratación.
• Asesoramento e apoio na creación de traballo autónomo.
• Accións de sensibilización dirixidas ao mundo empresarial.

Educación:

Programa municipal de Compensación educativa externa, onde se realiza:

• Seguimento escolar e control de absentismo.
• Asesoramento en temas educativos: Prazos de reserva para colexios e institutos, solicitude de becas, Plan Madruga e comedor, recursos educativos, etc.
• Reforzo e apoio escolar.
• Talleres lúdicos (traballo de contidos transversais).

Estas dúas accións no Centro Cultural de Monte porreiro, de martes a xoves polas tardes, co seguinte horario:

Fundación Secretariado Gitano
Persoas de referencia:
Rebeca (mediadora intercultural)
Maite (técnica en acción social).
Sor Lucía, 2 - baixo. 36002 - Pontevedra
Tel: 986 84 09 11 - Fax 986 84 07 46
E-mail | www.gitanos.org